Impi yomndeni ayingenwa: Nxa kuxabana umndeni buyela eceleni ngoba bazobuye bathelelane amanzi babuye baphendukele wena.
Umndeni kawufakani mbedu: Umndeni uvama ukuhlala ngokuxabana
Impi isesendeni: Baxabene bona abomndeni
Umlando woniwa ngabalandakazi: Yibo abozalo abona icala lomndeni.
Amalima onke ahlanganyelwa yisindeni: Kushiwo ngumzali lapho abantu bakhe sebemsiza.
Ukuzala ukuzelula: Kushiwo ngumzali lapho abantu bakhe sebemsiza.
Ukuzala ukuzilungelela: Kushiwo ngumzali lapho abantu bakhe sebemsiza.
Ukuzala ukwanda ngamazwane: Kushiwo ngumzali lapho abantu bakhe sebemsiza.
Inkonyane yenye iyayiqhubusha eyayo iyayikhotha: Umuntu uye athande abakhe abantwana angabathandisisi abantwana babanye abantu
Imbuzi ilele phezu kwezinyanya: Umzali uvikela umntanakhe.
Intandane enhle ikhothwa ngunina: Kungcono umntwana oyintandane asale nonina kunokuba asale noyise ngoba unina unothando olujulile kunolukayise futhi ukwazi kangcono ukubheka abantwana.
Inkonyane enhle ikhothwa ngunina: Kungcono umntwana oyintandane asale nonina kunokuba asale noyise ngoba unina unothando olujulile kunolukayise futhi ukwazi kangcono ukubheka abantwana.
Unina ngunina maZulu: Akekho umuntu ofana nonina uyakuthanda, akukhathalele, akwenzele konke okudingayo njengengane yakhe.
Ingane igaba ngonina: Ngesinye isikhathi umntwane uyachwenswa ngoba ethembe unina.
Imamba ichoboza amaqanda ayo: Abantwana basizwa ngabazali babo.
Akunyathi yahlulwa yithole: Akukho mzali owehlulwa ngumntwana wakhe.
Akunyathi yaphika nethole: Umuntu osekhulile akasenawo amandla alingana nawabancane.
Akukho silima sindlebende kwabo: Noma umuntu angaze abenjani uyathandwa kubo, izici zomuntu azibonwa kubo.
Ingwe ikhotha amabala ayo amhlophe namnyama: Umuntu kufanele aphathe ngokufanayo bonke abantu bakhe.
Akudlozi lingayi ekhaya: Uma selenziwe isiko lokubuyisa idlozi, liyabuya lizobheka umuzi. Ngoba noma lithukuthele kalidukeli kweminye imizi.
Akudlozi laya endlini layeka kwabo: Abantu abazishiyi izihlobo zabo njengoba nedlozi kaliyi kwabanye liphindela kwabo.
Comments
Post a Comment