Nzou Samanyanga Totem

on

Nzou Samanyanga
Ewo Nzou,
Maita Samnyanga,
Maita Bondorouswa,
Maita vari Mapanda,
Zvaonekwa varidzi vamasango,
Tatenda Nzou, Marigazvuru,
Hekani Matyoramiti,
Ewo ganda, ewo Muvi,
Maita murarandimire,
Murewo wakapaikwa pamhangwa yomuti,
Zvaitwa chirandu,
Vane nzeve dzinenge mahapa,
Mukati tsimba rinenge chisero,
Maita Jeranyama, Mutsikapanembiri,
Tatenda Chirandu chamatondo,
Maita vari Chibara chaManyika,
Munetsoka dzinotyakaira pakufamba,
Vatariri vemasango,
Munofamba muchiyeva matunhu,
Aiwa zvaitwa Nzou, Samanyanga,
Zvaonekwa Nyamatsimba.
Mhukahuru.

Comments

Post a Comment